O domingo 21 de outubro xuntámonos 50 persoas da ANPA Perez Viondi para realizar a excursión de outono. Nesta ocasión realizamos unha ruta de sendeirismo circular de 3,5 km á beira do río Ulla,apta para toda a familia. Comezamos en Ponte Sarandón e camiñamos ata a ponte de Ximonde pola beira estradense. Despois de cruzar o Ulla pola ponte voltamos ata Sarandón pola beira de Vedra. En Ponte Sarandón visitamos o Museo da Pesca da Casa Suárez, onde o señor Manuel amosounos as diferentes artes de pesca do salmón. Despois desprezámonos en autobús ata a área recreativa de Agronovo (Vedra) onde xantamos e xogamos ao lado do río. Finalmente visitamos o Centro Ictiolóxico de Ximonde, onde un garda medioambiental da Xunta amosounos a traballo q realizan no centro a favor da conservación e recuperación do salmón e da flora e fauna do noso río. O obxectivo desta excursión era xuntarnos para coñecer un pouco máis as paisaxes que atesoura o noso concello ao mesmo tempo que realizamos exercicio en familia.
